喺東倫敦嘅一部MacBook Air 13” 2020，雖然部機合埋嘅時候壓到一個萬字夾，但都足夠整爆個mon。 上門換mon，大約半個鐘整好，希望機主部機唔好再出意外喇。

又喺 New Malden，又有一部 MacBook 由檯面跌咗落地下。今次爆Mon 嘅係 MacBook Air 13" 2020，深表遺憾。 機主經過一輪換機同換mon嘅掙扎，決定換Mon，還原返部機。

一部曾經入水要維修底板嘅 MacBook Pro，突然間又唔著，都咪話唔驚。 喺北倫敦嘅一部 MacBook Pro 13" 2017，證實只係電池問題，上門換電解決問題，虛驚一場。

喺Dunstable，一部MacBook Pro 13” 2018第二次壞mon。 同上次一樣，都係上門換mon，同埋一樣有手信，萬分感激🙏。

2012-2015年嘅MacBook Pro，喇叭用一段時間出現拆聲，實屬死症，只有換喇叭先可以解決。當然，喇叭拆聲，用headphone或者外置喇叭可以頂住先嘅。 但喺Bromley呢部MacBook Pro 15” 2015爆埋mon，咁就冇辦法，焗住整。上門換mon同喇叭，一次過解決兩個問題。

爆Mon永遠都係肉赤，尤其部機用咗冇幾耐嘅話，就更加傷心。 喺Sidcup附近，一位由東涌幫襯到倫敦嘅機主，一部到埗英國先開始用嘅MacBook Pro 16” 2021，意外爆Mon搵我哋求救。 一向客氣嘅機主，今次攞咗一大堆手信過嚟，真係擺到成枱都係，感謝😌。

MacBook Air M3 13” 2024 Midnight，一部可算相當新嘅機，爆mon都咪話唔肉赤。 喺Guildford附近嘅呢部Air，換mon之後唯有當冇事發生，唔好望返返轉頭了。