入咗水嘅機，唔係救唔返，但要睇好唔好彩。好彩嘅話，入水再嚴重嘅都有得搞嘅。 喺北倫敦，一部MacBook Pro 13” M1 2020嚴重入水，但係屬於好彩嘅一群。雖然維修時間比預期耐咗少少，但係總算搞得掂。

喺西倫敦，一部MacBook Pro 13” 2014螢幕受傷，上門換mon了事。 機主有小食提供，謝謝😌

2012-2015年嘅MacBook Pro，喇叭用一段時間出現拆聲，實屬死症，只有換喇叭先可以解決。當然，喇叭拆聲，用headphone或者外置喇叭可以頂住先嘅。 但喺Bromley呢部MacBook Pro 15” 2015爆埋mon，咁就冇辦法，焗住整。上門換mon同喇叭，一次過解決兩個問題。

本來以為只係電池壞嘅MacBook Pro 15” 2017，遇著底板都有問題。 結論係要換電加底板維修，解決兩個問題， 感謝機主送上自家製嘅港式炒麵，非常好食😋；更加多謝嘅係機主願意喺Stockport揸落嚟一個中間點度搵我🙌。

喺Wokingham，一部MacBook Pro 13” 2020終於嚟到要換電池嘅時候。 上門換電， 30分鐘完成，部機終於唔使用一陣就冇電。

點都估唔到SSD會會有加價嘅一日。 喺東倫敦，因為機主喺價錢重接受到嘅時候，upgrade部MacBook Pro 13” 2015上2TB SSD，同時換埋電同埋一對拆咗聲嘅喇叭，升級同維修一次過完成。